Festivals

Fathers day top 10 quotes poems rhymes for toddlers teenagers adults

Written by admin

Father’s day top 10 quotes poems rhymes for toddlers teenagers adults

Ap jitne bhi safal vyakti ko dekhenge to unke safalta me unke pita ka role jarur nazar aayega. Unhone apne pita se prerna lekar aur unke adarsho ko maankar hi apne jivan mein aage badte hai. Isse yeh pata chalta hai ki koi bhi vyakti kitna bhi bura aur ganda ho lekin wah apni santan ko achi shiksha deta hai. Jaise hume movie mai bhi dekhne ko milta hai ki koi bhi vaykti juari aur sharabi kuch bhi hota hai lekin jab wah pita banta hai to wah apni in sabhi adato ko tyag deta hai taki uske bachho par iska bura prabhav na pad sake.

Har pita apne bachhe ke liye behtar banne ki kosish karta hai, aur apni shamta se jyada apne bachho ke liye karne ko sochta hai.”  Har pita ka jeevan uske bachhe ke liye sikhne yogya hai. Pita hi duniya ka ek matr shaksh hai jo sochta hai ki mere bachhe mere se jyada taraki kare aur naam kamaye. Aise me kai baar unhe kathorta se bhi kaam lena padta hai.

Ab to jamana badal gaya hai aur badlte jamane ke saath pita ka swarup bhi badal gaya hai. Wo apne bachhe ke saath khelte hai aur baate karte hai. Lekin pita ke kartavya mein koi badlav nahi aaya. Woh apne bachho ke saath bachha to ban sakte hai lekin woh apne kartavya ko nahi badal sakte hai.

Aaj ke jamane mein bahut se log apne pita se dur ho gaye hai kyuki rojgar ki kami se unhe dur rehna padta hai jisse hamesha apne pita ko sahara nahi de pate. Unke akelepan ko dur nahi kar pate. Aise me “Hume apne mata pita ko vibhinn avsaro  par jaise tyoharo par unke liye thoda samay jarur nikalna chahiye aur unko bhi thoda samay dena chahiye jisse unko bhi accha lage” aur woh apne apko akela samjh kar dukhi na ho.

 

Pita ke liye ek pyari kavita

Mere Pyare Pyare Papa

Mere Dil Mein Rehte Papa….

Meri Chhoti Si Khushi Ke Liye

Sab Kuchh Seh Jate Hain Papa….

Poori Karte Har Meri Ichha

Unke Jaisa Nahi Koi Achha….

Mummy Meri Jab Bhi Daante

Mujhe Dulaarte Mere Papa…..

Mere Pyare Pyare Papa

Bachpan se hi humein yeh bataya jata hai ki hamare sabse ache teacher humare mata-pita hai kyuki mata pita hi apne bachhe ko sabse pahle siksha dete hai jise dekhkar bachhe baate karna, chalna, bolna, aadi sikhte hai. Ache bure ka gyan bachhe ko mata pita se hi milta hai. Duniya mein adhikansh log apne maa se bahut pyar karte hai aur apne pita ji se bahut duri banaye rakhte hai. Humare pita humare liye sab kuch karte hai phir bhi log pita ko nhi pehchan pate hai. Hum apne jeevan mein jo kuch bhi sikhte hai wo sab humare papa ki den hai. Phir bhi log apne papa ko pehchan nahi pate aur unhe galat samjhte hai. Har vyakti ke safal hone ke piche uske pita ka jarur haath hota hai. Ek bachhe ke jeevan me pita ka hona bahut jaruri hai.

Pita ghar ka mukhiya hota hai, isliye unhe sukhad bhavisya ka palan karna bhaut jaruri hota hai. Jis tarah bhagvaan Shiv ne vish ko piya tha iss sansar ko bachane ke liye. Usi tarah pita bhi apne bachho ke liye bahut kuch karte hai. Na hi woh apni pareshani ko bahar nikalte hai aur na hi use kisi ko batate hai. Apne dil me lekar rakhte hai.

 

Humare pita humara har pal saath dete hai. Acche bure me farak karna sikhate hai aur samajh ke saath chalna, uthna, baithna, baate karna, sab kuch humare papa humein sikhate hai. Pita humesha dheeraj se kaam karte hai. Chahe jaisi bhi prasthiti ho woh soch-samjh kar aur gambhir mamlo ko bhi shanti se dhairye banaye huye kaam ko karte hai aur humein bhi yahi sikhate hai.

Vaise to koi bhi insan apne pita ka karz nahi utar sakta lekin phir bhi ap pane pita ke liye kuch karna chahte hai to aane wale father’s day par woh din unko samarpit kare aur us din unke liye kuch khas kare jisse ki unhe bhi apke bare me pata chale ki ap unse kitna pyar karte hai aur unka kitna khyal rakhte hai.

Mana jata hai ki parmeshwar 3 logo se mil kar banta hai – pita, putra aur pavitra aatma.

Kaha jata hai ye teeno ek dusre ke barabar hai teeno hi sarwa shaktimaan hai aur teeno ki koi shuruwat nahi hai. Pita ko parmeshwer, “putr ko parmeshwer aur pavitr aatama ko parmeshwer hai. Matlab ye teeno hi milkar parmeshwer bante hai.” Pita aur putr ka rishta bahut hi anmol hai isse kabhi nahi khona chahiye. Iss rishtey ko badi sehjata se nibhana chahiye.

Jis tarah ek pita apne bachho ka khayal rakhta hai, unki har jarurato ko pura karta hai usi tarah “bachho ko bhi apne pita ka pura khayal rakhna chahiye aur unki har jarurato ko pura karna chahiye.” Apne jeevan mein unhe apne pita ki ek khas bhumika rakhni chahiye.

Ram Charitra Manas mein kaha gaya hai ki: – “Mata pita guru prabhu ke bani binhi vichhar kahiye shubh jani.”

Ismein kaha gaya hai ki mata pita aur guru ki agaya ko hitkari samjh kar unki agaya ka palan karna chahiye. Yeh sadev hitkari vachan bolte aur hamari bhalayi ke liye hi bolte hai isliye unhe bhagvan ke saaman mana gaya hai.

Jab ek bachha janam leta hai toh uski jindagi mein jitni ahamiyat uski maa ki hoti hai na utni hi ahamiyat uske pita ki bhi hoti hai kyuki agar maa bachhe ko jeevan deti hai to pita use achha future deta hai. Ek mali ki tarah pyar dular deta hai aur saath hi saath apne bachhe ke bhavishya ko savarta bhi hai. Isliye apne pita ko bhi khas samjhana chahiye aur unka khayal rakhna chahiye. Agar ap bhi apne pita ko apne jeevan ka sabse khas mante hai to iss father’s day ke mauke par unki ahamiyat ka unhe pata lagaye aur unke saath father’s day par dher sari mastiya kare. Unko gift de aur father’s day celebrate kare.

Dharti sa dheeraj diya aur aasman si uchayi hai…

Jindagi ko tarash ke khuda ne ye tasvir banayi hai….

Har dukh wo bachho ka khud par sah lete hai….

Us ishwar ki jeevat partima ko pita ham kehte hai….

 

Inhe bhi  jane:

About the author

admin

Leave a Comment

DMCA.com Protection Status