Health

Nimbu ke fayde for skin, weight loss, hair Nimbu pani benefits tips

Written by admin

Nimbu ke Gunkari Labh :

Jaisa ki aap sabhi jante honge ki Nimbu ek fal hai, aur sabhi falo(फलों ) ka upyog bahut hi labhkari sidh hua hai. Lekin Nimbu jitna chota hai utne hi bade uske kaam hai.

sabhi ke gharo mein nimbu jarur aur asani se paya jata hai. aur nimbu ek aisa fal hai jo pure saal har mahine paya jata hai aur iska istemal bhi pure saal kiya jata hai. Iske anek fayde hai jaise Nimbu apko ke liye bahut hi labhkari hai,

Nimbu ka istemal Gori Twacha ke liye bhi kiya jata hai, aur sabse jyada fayda toh yeh apke Wajan ko kam karne ke liye deta hai, jisse ajkal har koi pareshan hai.

Nimbu ka istemal ghar ki saaf-safayi ke liye bhi kiya jata hai aur iska prayog khane ko swadisht banane ke liye bhi kiya jata hai, toh chaliye aaj hum apko batate hai ki Nimbu Ke Anek Fayde aur Nuksan Kya hai.

 

Nimbu Pani kaise madad karega Wajan Ghatane ke Liye : Nimbu garam pani ke sath subah subah khali pet peene ke fayde Janiye Nimbu Pani shahad ke sath kitna labhkari :

  • Roj subah khali pet Gungune pani mein Nimbu ka ras aur shehad dalkar peene se sharir ki charbi yani Extra Fat khatam hota hai.
  • Nimbu ka pani khoon ko saaf karne mein bhi madad karta hai.
  • Nimbu ke chilke se aap taambe aur peetal ke bartan saaf karenge toh voh bhi chamak jayenge.
  • Nimbu ka pani peene se humare swasthy ko bahut adhik laabh milta hai, kyunki nimbu pani humare sharir se harmful kitanuo ( कीटाणुओं ) ko bahar nikalta hai aur humare sharir ko hydra-trade rakhta hai.
  • Nimbu ka pani khoon ko saaf karne ke sath sath khoon ki kami ko dur karta hai.
  • Apni pachanshakti ko majboot banane ke liye Roj subah Nimbu pani pine se pure din apko Acidity (Gas), Kabj ki Samasya, Apach Khane ki pareshani nahi hogi.
  • Motapa badhne ki sabse badi bimari hai adhik bhuk lagna jisse aap baar baar bhojan karte ho apne motape ko janam dete ho, Lekin Nimbu pani aapki is bhuk adhik lagne ki bimari ko control mein rakhta hai, jiski vajah se adhik samay tak apko pet bhara bhara sa mehsuus hota hai.
  • Nimbu humare sharir ko bimariyo se ladne ki shakti bhi pradan karta hai, rogpratirodhak(रोगप्रतिरोधक ) shamta ko badhata hai.
  • Nimbu ka sevan muh aur sanso ki badbu ko bhi dur karta hai.
  • Nimbu se Pasine ki badbu kaise dur kare, Nimbu ke chilke ko pasine aane wale bhaag par ragde aur fir saaf pani se dho le apko pasine ki badbu se chutkara mil jayega.
  • Vomiting, Jee Michlana jaisi bimariyo mein bhi Nimbu ka istemal karne se labh milta hai.
  • Jaise Green Tea ke Anek Fayde hote hai motapa kam karne ke liye, Vaise hi nimbu ka sahara bhi liya jata hai.

 

Nimbu kaise dega Skin (Face) ko Nikhar :

  • 1 katori le fir usme 4 chammach जौ ya aap iski jagah chane ka aata bhi istemal kar sakte hai, ab usme 8 chammach dudh  aur aadha chammach haldi bhi daal se fir usme 2 nimbu ke ras ko daal de aur is mishran ko achhe se mila le, mishran teyar hone ke baad apne sharir, hath aur muh par achhe se mal-mal kar laga le, sukhne ke baad ragadkar saaf kare aur fir bina sabun lagaye naha le. ab apko mehsus hoga ki apka sharir, chehra gora or chamak jayega.
  • sabse pehle 1 bartan le, ab usme 1/2 cup gajar ka ras, 1/2 chammach shahad daal de, fir 1/4 nimbu ka ras daalkar achhe se mila le aur is mishran ko chehre par aur chehre ke daag dhabbo par bhi lagaye aur 1/2 ghante tak rakhe fir dho le. ab apko apki twacha bahut hi saaf aur nikhri huyi mehsus hogi aur iske prayog se daag dhabbe bhi khatam ho jayenge.
  • 1 katori mein kewal 4 chammach kheere ka ras le, fir usme 1/2 nimbu ka ras daal de aur 1/4 chammach haldi dale aur sabhi ko achhe se mila le aur fir apne chehre, hatho, baho, gardan aur kale hisso par lagaye. ise 1/2 ghanta laga rehne de fir dhoye. isse apki twacha aur sharir ka kalapan chala jayega aur gori twacha nikharkar samne aayegi. iske lagatar niymit roop se 1 mahine prayog karne se apko bahut labh milega.
  • Hatho ke kalepan ko dur karne ke liye nimbu ka ras  le aur unhe apne hatho par ragde, apko jarur labh hoga.
  • pani mein nimbu ka ras aur namak milakar fir usi pani se nahane se sharir ka saundrya badhta hai, jinki skin khichi-khichi aur fati-fati mehsuus hoti hai voh ise jarur kare bahut labh milega.
  • Aksar humari kohni ki twacha bahut hi shakht aur kali pad jati hai, toh isko thik karne ke liye nimbu ka ras  le aur unhe apni kohniyo par ragde fir 15 minute aaram se baith jaye uske baad naha le.

Nimbu ke fayde Balo ko Lamba Ghana Karne ke liye :

  • Jo log apne balo ki samasya se pareshan hai jaise baalo ka jhadna, baalo ki rusi, baalo mein khujhli. iske liye aap nimbu ke ras ko nariyal ke oil mein milaye aur ha nariyal ka oil nimbu ke ras se doguna hona chahiye. Ab ise apne baalo par lagaye aur puri raat ise rehne de subah uthte hi baalo ko saaf pani se dho le. isse apke Baalo ki Rusi aur Baalo ka Jhadna kam ho jayega.
  • Nimbu ko katkar baalo par ragadne se safed balo se bhi chutkara milta hai.
  • Jiske sar mein juye ho uske liye toh Nimbu bahut hi badhiya oshdhi hai.
  • Pani mein Nimbu dalkar baal dhone se baal mulayam hone lagte hai.
  • Nimbu ka prayog balo ko sidha karne ke liye bhi kiya jata hai.
  • Jo log baalo par mehandi ka prayog karte hai, toh voh mehandi lagate samay mehandi mein kuch matra nimbu ki bhi daal de isse baalo mein chamak aati hai.
  • Rukhe bejaan baalo mein jaan dalne ke liye, aur baalo ko lamba ghana karne ke liye bhi nimbu ke ras ka istemal kiya jata hai.

Nimbu Ke Nuksan Kya hai ?

  • Nimbu ka bahut adhik sevan karne se pet khrab bhi ho jata hai.
  • Nimbu mein acid ki matra hoti hai aur adhik sevan karne se nimbu ka ras baar baar humare daanto ke sampark mein aata hai, jiske karan nimbu ke acid ka asar humare daanto par padta hai aur humare daanto ki satah khraab ho jati hai.
  • Agar apko acidity hai toh Nimbu pani na le, kyunki isme bhi acid hota hai aur yeh apki acidity ko aur adhik badha deta hai, jisse apko seene mein jalan bhi ho sakti hai.
  • Nimbu pani ke adhik sevan se toilet adhik aata hai, jisse sharir mein pani ki kami bhi ho sakti hai.
  • In sabhi karno se kewal yeh pata chalta hai ki kissi bhi padharth ka adhik sevan nahi karna chahiye, Toh Nimbu ka bhi adhik sevan na kare.

 

हमे उम्मीद है कि आपको हमारी इस पोस्ट से बहुत ही लाभ मिला होगा तो अपनी कोई भी शंका के लिए अपना फीडबैक जरूर दे आपका फीडबैक हमारे लिए बहुत ही जरुरी है !

एक नजर इन पर भी डाले

About the author

admin

Leave a Comment

DMCA.com Protection Status